ദു:സ്വപ്നങ്ങള്‍ പിന്നേയും

ഒരു ചെറിയ തേങ്ങലോടെയാണ്‌ ദേവു കണ്ണു തുറന്നത്.
"എന്താ മോളേ, വേണ്ടാത്ത സ്വപ്നം വല്ലതും കണ്ടോ നീയ്?"
"ഉം... scary ആയിരുന്നു :("
"ഉണ്ണിക്കണ്ണനെ വിളിച്ചിട്ടല്ലല്ലേ ഇന്നലെ കിടന്നത്?"
"ഞാന്‍ വിളിച്ചതാ...But he was busy with India people."
!!! :)

Drink Recipe

ദേവു ഒരു drink ഉണ്ടാക്കുന്ന തിരക്കിലാണ്‌. സോഡായൊക്കെ തന്നെത്താന്‍ കപ്പിലേയ്ക്ക് ഒഴിക്കുന്നുണ്ട്. കുറച്ച് കഴിഞ്ഞ് ഗ്ലാസ്സിലെ ഡ്രിങ്കുമായി അവള്‍ അടുത്തെത്തി.
"അമ്മ ഇതു കുടിച്ച് നോക്ക്"
നിറയെ ഐസ് ഇട്ടിട്ടുണ്ട്. ഞാന്‍ കുറച്ച് വായിലേയ്ക്ക് ഒഴിച്ചു.
"കൊള്ളാം, ദേവൂ!"അവളുടെ മുഖത്ത്  ഒരു ചിരി.
 "അമ്മയ്ക്ക് റെസിപി വേണോ?"
"വേണം, ദേവൂ"
"കൊറച്ച് Sprite ഒഴിക്ക്യാ..പിന്നെ നെറച്ച് ഐസ് ഇടാ..പിന്നെ കൊറച്ച് വെള്ളം, കൊറച്ച് കോക്.. അത്രേള്ളൂ"
റെസിപി എഴുതി വെയ്ക്കണോ ആവോ? :)

അച്ഛനൊരു കത്ത്

ചിന്നൂന്റെ ക്ലാസ്സ് ടീച്ചര്‍ മിസ്സിസ്സ് മോക്കലിന്റെ ഇ-മെയില്‍.

"കുട്ടികളോട് വീട്ടിലെ ആര്‍ക്കെങ്കിലും ഒരു കത്തെഴുതാന്‍ പറഞ്ഞു ഞാന്‍. സ്വന്തം വീടിന്റെ അഡ്രസ്സ് അറിയുമോ എന്നു മാത്രം നോക്കാനായിരുന്നു, അത്. പക്ഷേ, കിട്ടിയത് അതിനുമെത്രയോ കൂടുതല്‍! അവരെഴുതിയ കത്തുകള്‍ ഇന്നു വീട്ടിലേക്ക് വരുന്നു. അവരുടെ കൊച്ചു മനസ്സുകളില്‍ നിന്നും എഴുതിയ വരികള്‍ ആണവ. വായിക്കുമ്പോള്‍ കണ്ണുകള്‍ നിറഞ്ഞാല്‍ ഒപ്പാന്‍ ടിഷ്യൂസ് റെഡി ആക്കി വെച്ചോളൂ :)"

ഒരു പാട് പ്രതീക്ഷകളോടെയാണ്‌ ഞാന്‍ ചിന്നൂന്റെ ബാഗ് തുറന്ന് കത്ത് തപ്പിയെടുത്തത്.
കത്തിതാ...

Dear Dad,
Thank you for helping me with Chess and math.
Is gas the only form that can change into plasma,liquid and solid in 1 step? Did you know Venus is hotter than Mercury and Neptune is colder than pluto? Will Earth be a planet 5 billion years from now? Is pi infinite?
...
Love,
Chinmay

ഞാന്‍ കരയണോ ചിരിക്കണോ?

ബാര്‍ബി അമ്മൂമ്മ

"അമ്മൂമ്മേ, അമ്മൂമ്മേടെ അമ്മേടെ പേരെന്താ?"
"ലക്ഷ്മിക്കുട്ടി"
"അമ്മൂമ്മേടെ അമ്മൂമ്മയുടെ പേരോ?"
"കുഞ്ഞിക്കാളി"
"ആ അമ്മൂമ്മെടെ അമ്മയോ?"
"ഊലി അമ്മൂമ്മ"
"അയ്യേ, അതെന്തൊരു പേരാ??"
"ആ.. അത് പണ്ടുള്ളൊരു പേരാ മോളെ... എനിക്കും ആ പേര്‍ ഇടാനിരുന്നതാ. പക്ഷേ ഊലിയമ്മൂമ്മ പറഞ്ഞു. 'എന്റെ പേരൊന്നും ഇടണ്ട. അതിലും എത്രയോ നല്ല പേരുകളുണ്ട്. ദേവകി എന്നായിക്കോട്ടെ' എന്ന്"
"അത് ഭാഗ്യായി. എനിക്ക് ഊലി എന്ന പേര്‍ ഒട്ടും ഇഷ്ടായില്ല!"
അമ്മൂമ്മ പതിയെ ചിരിച്ചു.
"ഊലിയമ്മൂമ്മയുടെ അമ്മയുടെ പേരറിയോ, അമ്മൂമ്മയ്ക്ക്?"
"അതെനിക്കോര്‍മയില്ല, മോളേ"
 
ഇത് ഞാനും എന്റെ അമ്മൂമ്മയും തമ്മില്‍ വര്‍ഷങ്ങള്‍ ഒരുപാട് മുന്‍പ് നടന്ന സംഭാഷണമാണ്‌. ദേവൂനോട് ഇതിനെപ്പറ്റി പറയണം എന്ന് കുറച്ച് ദിവസങ്ങളായി വിചാരിക്കുന്നു. അവളുടെ അമ്മൂമ്മയുടെ അമ്മൂമ്മയുടെ അമ്മൂമ്മയുടെ പേര്‍ വരെ എനിക്കറിയാമെന്നതും, ഏഴ് തലമുറ വരെ മേലോട്ട് കുടുംബചരിത്രം അറിയാമെന്നതും നിസ്സാര കാര്യമല്ലല്ലോ.

"ദേവൂ, ദേവൂന്റെ അമ്മയുടെ പേരെന്താ?"
ഇതെന്തൊരു ചോദ്യം എന്ന മട്ടില്‍ അവളെന്നെ നോക്കി. "പ്രീതി"
"ദേവൂന്റെ അമ്മൂമ്മയുടെയോ?"
"ബാര്‍ബി"
"ഏഹ്.. എന്താന്ന്?"
"ബാര്‍ബി അമ്മൂമ്മ... എനിക്കു അങ്ങനെയേ പറയാന്‍ അറിയൂ". ദേവു കൈ മലര്‍ത്തി.

ഭാര്‍ഗ്ഗവിയെ ആണ്‌ അവള്‍ ബാര്‍ബി ആക്കിയത് :) അതോടെ ഏഴു തലമുറയുടെ കഥ അവിടെ നില്‍ക്കട്ടെ എന്നായി ഞാന്‍. ആദ്യം അവള്‍ സ്വന്തം അമ്മൂമ്മയുടെ പേര്‍ പഠിക്കട്ടെ! അമ്മയോട് ഇതു പറഞ്ഞ് ചിരിച്ചപ്പോള്‍, "അവളെ പറഞ്ഞിട്ടെന്തു കാര്യം? കടിച്ചാല്‍ പൊട്ടാത്ത പേരായാല്‍ എന്തു ചെയ്യും അവള്‍" എന്നു അമ്മയും. :)

കല - നാലിലും എട്ടിലും

ദേവൂന്റെ വര - ചിന്നൂം ഞാനും

ചിന്നൂന്റെ വര - Alien's Finger Puppet!

A boring day!

ഞായറാഴ്ച വൈകീട്ട് സോഫായിലിരുന്ന് അലസമായി ടിവി കാണുന്നതിനിടയില്‍ ചിന്നൂന്റെ കമന്റ്:
"ഇന്ന് ഒരു boring day ആയിരുന്നു. There was no fun!"
"അതു ശരി. എന്താണ്‌ നിനക്കു fun? അതു പറ"
"എനിക്കോ? There are only 3 things that are fun. 1) Playing cricket with achhan in the driveway 2) Playing a chess tournament 3) Eating cookies you make. ഇന്ന് കളിക്കാന്‍ വിളിച്ചപ്പോള്‍ അച്ഛന്‍  വന്നില്ല. There was no chess tournament today. And you didn't make me any cookies. So a boring day!"
"ഇന്നലെ നീയൊരു ചെസ്സ് ടൂര്‍ണമെന്റിന്‌ പോയതല്ലേയുള്ളൂ??"
"അത് ഇന്നലെയല്ലേ?"
"രണ്ടു ദിവസം മുമ്പല്ലേ ഞാന്‍ cookies ഉണ്ടാക്കിയത്??"
"അത് രണ്ട് ദിവസം മുന്നല്ലേ?"
ഞാന്‍ തോറ്റു! കുട്ടികള്‍ക്ക് ഇങ്ങനെ ബോറടിച്ചാല്‍ എന്ത് ചെയ്യാന്‍ പറ്റും??

Dr. Suess ഉം Miss Timberly യും Timeout ഉം

Dr. Suess ന്റെ പിറന്നാള്‍ പ്രമാണിച്ച് സ്കൂളില്‍ പ്രത്യേകം programs ഉണ്ടായിരുന്നു വെള്ളിയാഴ്ച. Dr.Suess-ന്റെ books ഉള്ളവര്‍ അതു സ്കൂളിലേയ്ക്ക്   കൊണ്ടു വരണം എന്ന് പ്രത്യേകം പറഞ്ഞിരുന്നു, മിസ്സ് ടിംബര്‍ലി. കുട്ടികള്‍ കൊണ്ടുവരുന്ന പുസ്തകങ്ങള്‍ മിസ്സ് എല്ലാവര്‍ക്കും വായിച്ചു കൊടുക്കും. ദേവു തലേന്നു തന്നെ ഓര്‍ത്ത് "Cat in the hat" അവളുടെ ബാഗിലെടുത്തു വെച്ചു.

വൈകീട്ട് അച്ഛനും മോളും വന്നു കയറിയപ്പോളേക്കും ഞാന്‍ അതാണോര്‍ത്തത്.
"ദേവൂന്റെ book വായിച്ചോ മിസ്സ്  ഇന്ന്?"
"ഇല്ല...എന്റെ book മാത്രം വായിച്ചില്ല മിസ്സ് ടിംബര്‍ലി" ചിരിച്ചു കയറി വന്ന ദേവൂന്റെ മുഖം വാടി.
"മിസ്സിന്‌ ഒരു timeout കൊടുക്കാന്‍ തോന്നി എനിക്ക്".
!! :)

മധുരം മധുരം!

ചിന്നൂന്റെ ബെസ്റ്റ് ഫ്രെണ്ട് സിദ്ദു പുതിയ വീട്ടിലേക്ക് മാറുകയാണ്‌. അയല്പക്കത്തുള്ള ഞങ്ങള്‍ കുറച്ചു വീട്ടുകാര്‍ ചേര്‍ന്ന് ഇന്നലെ അവര്‍ക്ക് ഒരു farewell പാര്‍ട്ടി കൊടുത്തിരുന്നു. അതിനു വേണ്ടി ഉണ്ടാക്കിയ കുല്‍ഫി ബാക്കി ഇരിപ്പുണ്ട് ഫ്രീസറില്‍. അതുണ്ടാക്കി വെച്ചതില്‍ പിന്നെ ദേവൂ രാവിലെയും ഉച്ചയ്ക്കും വൈകീട്ടും മൂന്നു നേരം കുല്‍ഫി കഴിക്കുന്നുണ്ട്.

ചിന്നുവും അച്ഛനും ചെസ്സ് ക്ലാസ്സു കഴിഞ്ഞ് വന്നപ്പോള്‍ ദേവു തന്നത്താന്‍ ഫ്റീസര്‍ തുറന്നു രണ്ട് കുല്‍ഫി എടുത്ത് അവര്‍ക്ക് കൊടുത്തു.
"ഇതു കണ്ട് പഠിക്ക്, ചിന്നൂ.. ദേവു സ്നേഹമുള്ള പെണ്‍കുട്ടിയാ കണ്ടോ?"
പറഞ്ഞ് നാവെടുത്തില്ല, കൈയില്‍ പിന്നേയുമൊരു കുല്‍ഫിയുമായി ദേവു മുന്നില്‍. അത് അവള്‍ക്കാണത്രെ! ഉച്ചയ്ക്കൊന്ന് കഴിച്ചയാള്‍ നാലു മണിയാകുമ്പോള്‍ പിന്നേയും മധുരം കഴിയ്ക്കയോ?!  അപ്പോള്‍ ഇതു സ്നേഹമോ അതോ പിന്നേയും മധുരം തിന്നാനുള്ള വിദ്യയോ? ദേവൂനെപ്പറ്റി പറഞ്ഞ നല്ല വാക്കുകള്‍ എനിക്ക് തിരിച്ചെടുക്കേണ്ടി വന്നു. :(

Do you want the good news or bad news first?"

Chili's ല്‍ നിന്നും അത്താഴം കഴിച്ചിറങ്ങവേ, ദേവൂന്റെ ചോദ്യം. "അമ്മാ, Do you want the good news or bad news first?"
"good news ആയിക്കോട്ടെ ആദ്യം."
"The good news is that I got something I loved today!".  മധുരപ്രിയയായ ദേവു പറയുന്നത്, അവസാനം കഴിച്ച കേക്കിനെപ്പറ്റിയാണെന്നത് സ്പഷ്ടം.  :)
ഇനി bad news എന്താണെന്നു കേള്‍ക്കട്ടെ.
"I didn't like what you ordered for me today! :( "

അതല്ലെങ്കിലും മധുരം കണ്ടുകഴിഞ്ഞാല്‍ മറ്റെല്ലാം ദേവുവിന്‌ അപ്രിയമാണ്‌. രണ്ടിലും ഒട്ടും പുതുമ ഇല്ല തന്നെ :).

Catch me if you can...

"ദേവൂ, catch me!" എന്നും പറഞ്ഞ് സ്വീകരണ മുറിയില്‍ നിന്ന് അടുക്കള വഴി മുന്നിലോട്ടും തിരിച്ചുമായി വട്ടത്തില്‍ ഓടുകയാണ്‌ ചിന്നു. ചേട്ടന്റെ വിളി കേള്‍ക്കേണ്ട താമസം ചേട്ടനെ പിടിക്കാനായി പുറകെ ഓടിത്തുടങ്ങി നാലു വയസ്സുകാരി. ഒരു വട്ടം തികയും മുമ്പേ ചേട്ടനെ പിടിക്കാനായി ഓടുന്ന ദേവൂന്റെ തൊട്ടു പിറകിലായി ചിന്നൂന്റെ ഓട്ടം. ഒന്നു നിന്നു തിരിഞ്ഞാല്‍ ഏട്ടനെ പിടിക്കാം. പക്ഷേ അറിഞ്ഞിട്ടാണോ, അറിയാതെയാണോ ദേവു ഒരേ ഓട്ടം തന്നെ. ഇതു കണ്ട് ചിന്നു കുടു കുടാ ചിരി തുടങ്ങി. കൂടെ ദേവുവും. കിതച്ചും ചിരിച്ചും  വയ്യാതാവും വരെ ചേട്ടനും അനിയത്തിയും ഈ കളി തുടര്‍ന്നു. :)

Bye Bye ghosties!

അച്ഛനോ അമ്മയോ  ദേവൂനെ pick ചെയ്യാന്‍ വരുമ്പോഴേക്കും മിസ്സ് ടിമ്പര്‍ലി പോയിക്കഴിഞ്ഞിരിക്കും. ദേവൂന്റെ 'Jungle ' ക്ലാസ്സ് റൂം ലൈറ്റ് അണഞ്ഞ് അടച്ചിരിക്കും. ദേവു വേറെ ഏതെങ്കിലും ക്ലാസ്സിലുമായിരിക്കും. എന്നാലും,  അമ്മയുടെ കൈയും പിടിച്ച് വലിച്ച്  ദേവു Jungle റൂമിലേക്ക് കൊണ്ടുപോകും. വാതില്‍ തുറന്ന് ലൈറ്റ് ഓണാക്കി, അന്ന് ചെയ്തതൊക്കെ വിസ്തരിക്കാന്‍ തുടങ്ങും. പാതിയായിരിക്കുന്ന  artwork കാണിച്ചു തരും. ടീച്ചര്‍ വാങ്ങിയ പുതിയ പുസ്തകം തുറന്നു കാട്ടും. ശ്റീഹായുടെ പുതിയ പുതപ്പ് കാട്ടിത്തരും.  'നേരം കുറേയായി മോളേ' എന്ന എന്റെ ഓര്‍മപ്പെടുത്തലുകള്‍ക്കൊടുവില്‍, ഇറങ്ങാം എന്നവള്‍ സമ്മതിക്കും. ഇതെല്ലാം എന്നും പതിവാണ്‌. ഇന്നലെ ഞങ്ങള്‍ ലൈറ്റ് അണച്ച് വാതിലടച്ച് ഇറങ്ങവേ, പതിവില്ലാതെ ദേവുവിന്റെ വക ഒരു വിട പറച്ചില്‍. "Bye Bye ghosties".
"ഏഹ്! ഗോസ്റ്റീസോ?"
"ആ... ലൈറ്റ് ഓഫ് ചെയ്യുമ്പോള്‍ രാത്രി മുഴുവന്‍ ഇവിടെ കളിക്കുന്ന ghost-കള്‍ക്കൊക്കെ ഒന്നു ബൈ ബൈ പറഞ്ഞതാ... ഞാന്‍"
ഓഹോ! :)

പാവം എന്റെ ദേവു!

"Amma, today at school, Logan pushed me out of the play house. :( I felt very sad and there was no one there to make me happy. So I made myself happy again. :)"

പാവം എന്റെ ദേവു!

നാലുമണി പലഹാരം

പൊരിയില്‍  നാളികേരം ചിരകിയതും പഞ്ചസാരയും അല്പം എണ്ണയും തൂവി അമ്മ ഉണ്ടാക്കാറുള്ള ഒരു നാലുമണി പലഹാരമുണ്ട്. അതോര്‍ത്ത് ഇവിടെ കിട്ടുന്ന സീറിയല്‍ വെച്ച് അങ്ങനൊരു സ്നാക്ക് ഉണ്ടാക്കിയതാണ്‌ ഞാന്‍.
"ദേവൂ, ഇതൊന്നു കഴിച്ച് നോക്ക്..."
ഒരു സ്പൂണ്‍ കഴിച്ചതേയുള്ളൂ. " I don't like this!" തീരുമാനിച്ചു കഴിഞ്ഞു.
"അത്   സീറിയലും ഷുഗറും കോകനട്ടും ആണ്‌. എല്ലാം ദേവൂന്‌ ഇഷ്ടമുള്ളത്. കുറച്ചു കൂടെ കഴിച്ച് നോക്ക്"
"I don't like coconut!"
"കേരളത്തീന്നുള്ള എല്ലാര്‍ക്കും coconut  ഇഷ്ടാണല്ലൊ"
"I am not from Kerala. I don't think so!"
"Then where are you from ??"
"I don't know. But I don't like coconut!!".

അപ്പോഴേക്കും ദേവു ഓടിപ്പോയ്ക്കഴിഞ്ഞു. ഇനി ദേവൂനെന്താ കഴിക്കാന്‍ കൊടുക്കേണ്ടതെന്നു അമ്മ ആലോചിച്ചു കണ്ടെത്തട്ടെ.

A million years ago

മൂന്നര വയസ്സുള്ള ദേവൂട്ടി പറയുന്നതു കേള്‍ക്കൂ.


"A million years ago, when I was a baby,.... " !!!! :)

ഇനിയെന്തു ചെയ്യും??

ദേവൂനെ സ്കൂളില്‍ നിന്ന് കൊണ്ടുവരാന്‍ ചെന്നതാണ്‌ അച്ഛന്‍.
"അച്ഛാ, അതാണ്‌ ഷെറീന്‍"...
"ആ...ദേവൂന്റെ ബെസ്റ്റ് ഫ്രെണ്ടാണല്ലേ?"
"Not any more!"
"അതെന്തു പറ്റി??"
"She yelled at me today!"
"ആഹാ..അപ്പോ പിന്നേയും വഴക്കിട്ടല്ലേ?"
"She didn't tear her paper properly. I told her that. Then she yelled at me saying 'I will tear your house!'. She is not my friend any more!!". അപ്പോഴേക്കും മുഖത്താകെ സങ്കടമായി. "I don't have any friends at school now :("

അപ്പോ ജിയയോ?
"Jiya was rude with Kendall and Amy the other day. I don't want to be her friend'.
"Kendall?"
"She is friends with Shereen. So I don't want to make her my best friend".
"അപ്പോ ലോഗനായാലോ?"
"Logan is a boy. I don't want to be friends with boys".
"ഇനി ബാക്കി ആരുണ്ട്? ഗ്രേസോ?"
"Grace is a new girl. Not my  friend!"
"ഇനിയും ആശ്റിതയുണ്ടല്ലോ?"
"Aashrita is not my height. Friends should be same height". !!

ഇനിയെന്തു ചെയ്യും?? :)

ഉറക്കം വരാഞ്ഞാല്‍...

ഉറക്കം വരാത്ത കുട്ടിയെ കിടത്തി ഉറക്കാന്‍ നോക്കും അച്ഛനും അമ്മയും. സ്കൂളില്‍ ഉച്ചയുറക്കവും കഴിഞ്ഞെത്തുന്ന ദേവൂന്‌ 10 മണിയായാലും ഉറക്കം വന്നില്ലെങ്കില്‍ പിന്നെന്തു ചെയ്യും? അങ്ങനെ ഉറക്കം വരാതെ കിടക്കുന്നതിനിടയില്‍, ദേവൂന്റെ പരാതി, "I don't like this night coming every night!" :)

ലോലിപോപ്സ്

ദേവൂന്റെ ഭാഷയില്‍...
ഇത് ലോലിപോപ്സ്

ഇത് ലോലി-ലോലി-ലോലി-ലോലിപോപ്!

ഓരോ വട്ടത്തിനും ഓരോ ലോലി :)

ആരാവണം?

ക്രയോണെടുത്ത് വരച്ചുകൊണ്ടിരിക്കെയാണ്‌ പെട്ടെന്നെന്തോ ഓര്‍ത്ത പോലെ ദേവു അടുത്തേക്ക് ഓടി വന്നത്.
"അമ്മാ,  I am going to be a teacher when I grow up, just like Miss Timberly!"
"അതു കൊള്ളാലോ..മോളൊരു ടീച്ചറായിക്കോ, കേട്ടോ". ഒരു ചിരിയോടെ തിരിച്ചു പോയി ദേവു വര തുടര്‍ന്നു. അധികം കഴിയും മുമ്പേ വീണ്ടുമൊരു ബോധോദയം.
"അല്ലെങ്കില്‍ വേണ്ടാ.. I am going to be a mommy".  കൈയിലെ ടെഡ്ഡി ബെയറിനെ മാറോട് ചേര്‍ത്താണവള്‍ പറഞ്ഞത്.
ഏ... കേട്ടിരുന്ന അച്ഛനൊന്നു ഞെട്ടിയോ? :)
പക്ഷേ ഞാന്‍ കാതോര്‍ത്തത് " just like amma " എന്നവള്‍ കൂട്ടിച്ചേര്‍ക്കുമോ എന്നറിയാനായിരുന്നു.

അതുണ്ടായില്ല, കേട്ടോ. :(

ബാലവിഹാര്‍

ഞായറാഴ്ചകളില്‍ ചിന്നു ഇപ്പോള്‍ ബാലവിഹാറിനു പോകുന്നുണ്ട്. കുട്ടികള്‍ ക്ലാസ്സിലിരിക്കെ കൂടെ വരുന്ന അച്ഛനമ്മമാര്‍ക്ക് കേട്ടിരിക്കാന്‍ ചിന്മയാനനന്ദ സ്വാമികളുടെ പ്രഭാഷണങ്ങള്‍ അവിടെ പ്രൊജെക്‍റ്റ് ചെയ്യും. കഴിഞ്ഞ ആഴ്ച അമ്മയുടെ കൂടെ അതും കേട്ടിരിക്കേണ്ടി വന്നു ദേവൂന്‌. അന്ന്‌ ബോറടി മാറ്റാന്‍ അവള്‍ പെട്ട പാട്‌ അമ്മ നന്നായി കണ്ടതുമാണ്‌. എന്നിട്ടും ഇത്തവണയും ദേവൂനേയും കൊണ്ടാണ്‌ അമ്മ പോയത്. സ്ക്രീനില്‍ വീണ്ടും ചിന്മയാനന്ദജിയുടെ മുഖം തെളിഞ്ഞു വന്നു. പ്രഭാഷണ പരമ്പരയുടെ അടുത്ത ലക്കം തുടങ്ങി.
"കഴിഞ്ഞ ആഴ്ച കണ്ടതല്ലേയമ്മേ ഇത്‌? പിന്നേയും ഇതു കാണാന്‍ എന്തിനാ ഇവിടെ ഇരിക്കണേ?"
അക്ഷമയോടെ ദേവൂന്റെ ചോദ്യം. സ്ക്രീനില്‍ ഒരേ മുഖം.. കേള്‍ക്കുന്നത് ഒരേ ശബ്ദം..അപ്പോള്‍ ചോദ്യം തികച്ചും ന്യായം തന്നെ!

Boys are rude!!

ദേവൂന്റെ ക്ലാസ്സിലെ ആണ്‍കുട്ടികളില്‍ അധികവും നല്ല കുറുമ്പന്മാരാണ്‌. മിക്കവാറും എന്നും തന്നെ റീസ് മുടി പിടിച്ചു വലിച്ചെന്നും മറ്റും പരാതിയുമായിട്ടായിരിക്കും അവളുടെ വരവ്‌. ടീച്ചറും പറഞ്ഞു ആണ്‍കുട്ടികളെക്കൊണ്ടു തോറ്റു എന്നു്‌.

പക്ഷേ, വീട്ടില്‍ ദേവൂന്റെ ഏട്ടന്‍ പാവാണ്‌. എട്ടു വയസ്സുകാരന്‍ ഒരു നാലു വയസ്സുകാരനാവുന്നതു കാണാം ദേവൂന്റെ ഒപ്പം കൂടുമ്പോള്‍. "ചിന്നൂ.." എന്നൊരു അധികാരത്തിലേ അവള്‍ വിളിക്കൂ. "ഏട്ടാ.." എന്നു വിളിക്കണം എന്നൊക്കെ പറഞ്ഞ് പറഞ്ഞ് അമ്മയ്ക്ക് മടുത്തു. ചിന്നൂനും അവളുടെ വിളിയാണിഷ്ടം.

കാര്യങ്ങള്‍ ഇങ്ങനെ ഒക്കെ ആണെങ്കിലും ഇടയ്ക്ക് ദേവൂന്റെ അധികാരമെടുക്കല്‍ കൂടുമ്പോള്‍ ചിന്നൂന്റെ ക്ഷമ കെടും. അപ്പോള്‍ കുഞ്ഞനിയത്തിയോടുള്ള സ്നേഹമൊക്കെ അവന്‍ മറക്കും. അവളെ ഉന്തിയിടുകയോ, ടോയ് തിരികെ തട്ടിപ്പറിച്ച് വാങ്ങുകയോ ചെയ്യും. അങ്ങനെ എന്തോ ആണ്‌ അന്നുണ്ടായത്. കണ്ടു നിന്ന അച്ഛനും മോനെ സപ്പോര്‍ട്ട് ചെയ്തു. ഇതു ദേവൂന്‌ സഹിച്ചില്ല. ചുണ്ടു പിളര്‍ത്തി വാവിട്ടു കരഞ്ഞ് അവള്‍ എന്റെ അടുത്തേയ്ക്ക് ഓടി വന്നു. എന്റെ തോളത്തു ചാഞ്ഞ് അവള്‍ ഏങ്ങിക്കൊണ്ടാണ്‌ പറഞ്ഞത്.
"അമ്മാ... Boys are rude!!" !
ആഹാ! boys അങ്ങനെ പക്ഷം ചേരുകയാണെങ്കില്‍ അമ്മ ഉറപ്പായും ദേവൂന്റെ പക്ഷം ചേരണ്ടേ?! :)