മുത്തച്ഛന്റെ കുട്ടി

മുത്തച്ഛനും അമ്മൂമ്മയും വന്നിട്ട് കുറച്ചു നാളുകളായി. ദേവു രണ്ടു പേരുമായും നല്ല കൂട്ടുമാണ്‌. മുത്തച്ഛന്റെ പുറത്തെ ചാക്കോ കഴുത്തില്‍ തൂങ്ങുന്ന ഭാണ്ഠമോ ആണ്‌ ദേവു അധിക സമയവും.

എന്നാലും ഇടയ്ക്ക് ദേവു മുത്തച്ഛനുമായി പിണങ്ങും. അപ്പോള്‍ ഒരൊറ്റ കരച്ചിലാണ്‌.
" I want my amma...എനിക്കെന്റെ അമ്മയെ വേണം!"
മുത്തച്ഛനെന്താ humor sense എന്നോ?:) മുത്തച്ഛനും കരയും. "എനിക്കെന്റെ കുട്ടിയെ വേണം. I want my daughter!!"
കരഞ്ഞു കൊണ്ടിരുന്ന ദേവു അതു കേള്‍ക്കേണ്ട താമസം പൊട്ടിച്ചിരിക്കും. മുത്തച്ഛനും കൊച്ചുമോളും പിന്നെയും കൂട്ടാവും.

office-ല്‍ നിന്നും ഞാന്‍ വന്നു കേറിയതേയുള്ളൂ. ദേവു വിളിച്ചു പറയുന്നു.
"മുത്തച്ഛാ, നിന്റെ കുട്ടി വന്നു!"
"നിന്റെയോ? മുത്തച്ഛനോടങ്ങനെയാ പറയുക??" ദേഷ്യത്തോടെയുള്ള എന്റെ ചോദ്യം ആരു കേള്‍ക്കാന്? മുത്തച്ഛനും മോളും കൂടെ അവിടെ ചിരിയോ ചിരി! :)