ശനിയാഴ്‌ച, ഒക്‌ടോബർ 07, 2023

ഒരീച്ചക്കഥ

രണ്ട് മൂന്ന് ദിവസമായി വീട്ടിനകത്ത് ഒരു ഈച്ച കറങ്ങി നടക്കാൻ തുടങ്ങിയിട്ട്. മുരണ്ട് മുരണ്ട്  അത് തീൻമേശയിൽ  കറങ്ങി നടന്നപ്പോഴേ അവനെ വീട്ടിനകത്തു നിന്ന് ഓടിക്കണം എന്ന് തീരുമാനിച്ചതാണ്. റബ്ബർ ബാൻഡ് കൊണ്ടോരു പ്രയോഗം നടത്താറുണ്ട് ചേട്ടൻ. ഉന്നം വെച്ചുള്ള റബ്ബർ ബാൻഡിന്റെ  ഒറ്റ വിടലിൽ ഈച്ച ചത്തു വീഴും. ചേട്ടൻ തിരക്കിലായതു കൊണ്ട് ഈച്ച കൊലപാതകത്തിന് quotation കൊടുക്കാനായില്ല. പിന്നെ എന്തുണ്ട് വഴി എന്നാലോചിച്ചിരിക്കവേ ആണ് അത് ഒരു കുപ്പി ഗ്ളാസ്സിനകത്ത് ധ്യാനിച്ചിരിക്കുന്നത് കണ്ണിൽ പെട്ടത്. മിന്നൽ വേഗത്തിൽ ഗ്ളാസ്സെടുത്ത് കമിഴ്ത്തി വെച്ചു ഞാൻ. എല്ലാം ഞൊടിയിടയിൽ കഴിഞ്ഞു. ഈച്ച കപ്പിനുള്ളിൽ പെട്ട് പോയി. അല്ലെങ്കിലും ഈച്ചകൾ കുറച്ച് മന്ദബുദ്ധികളാണ്. അവയെ എളുപ്പത്തിൽ കീഴ്പ്പെടുത്താം. 

പെട്ടുപോയി  എന്നറിഞ്ഞ് ഈച്ച പരിഭ്രാന്തിയിലായി. ഗ്ളാസ്സിനകത്ത് പഴുതുകൾ തിരഞ്ഞ് അത് പരതി നടന്നു, ദയനീയമായ മുരൾച്ചയോടെ. അത് കണ്ടുനിൽക്കാൻ തോന്നാഞ്ഞത് കൊണ്ട് ഞാൻ ഒരു ഉരുളിയെടുത്ത് ഗ്ലാസിന് മുകളിൽ കമിഴ്ത്തി. ഇരുട്ടും കൂടി ആയപ്പോൾ ഈച്ചയുടെ പ്രതീക്ഷയെല്ലാം നശിച്ചിരുന്നിരിക്കണം. ഒന്ന് രണ്ട് ദിവസത്തിൽ ശ്വാസം കിട്ടാതെ അത് ചാകുമെന്നും അപ്പോൾ എടുത്ത് പുറത്ത് കളയാമെന്നുമാണ് ഞാൻ കരുതിയത്. ഭർത്താവിനോടും മകളോടും പറഞ്ഞു, ഉരുളിയും ഗ്ളാസ്സും തുറന്ന് നോക്കരുത് , അതൊരു ഈച്ചക്കെണിയാണ്. 

പിറ്റേന്ന് ഞാനുരുളി തുറന്ന്, ഈച്ച ചത്ത് പോയോ എന്ന് നോക്കി. അത് ചത്ത പോലെ കിടക്കുകയായിരുന്നെങ്കിലും വെളിച്ചം  കണ്ടപ്പോൾ വീണ്ടും പറന്നു പോകാൻ ഒരു ശ്രമം  നടത്തി. ഞാൻ ഉരുളി വേഗം കമിഴ്ത്തി. എന്തോ തെറ്റു ചെയ്യുകയാണോ എന്നൊരു വല്ലായ്മ തോന്നായ്കയില്ല. പക്ഷേ ഈച്ചയെ വീട്ടിന് പുറത്തേയ്ക്ക് വിടാൻ വഴിയൊന്നും അപ്പോൾ തോന്നിയില്ല. അതവിടെ കിടന്ന് ചാവട്ടെ എന്ന് തന്നെ കരുതി ഞാൻ.

ഇന്ന് രാവിലെ മോളാണ് ഈച്ചയെ വീണ്ടുമോർത്തത്. അതിപ്പോഴും ഗ്ളാസ്സിനകത്ത് കൂറ്റാക്കൂരിരുട്ടിൽ കിടക്കുകയാണെന്നറിഞ്ഞ് മോളുടെ ഉള്ളിലെ മൃഗസ്നേഹി ഉണർന്നു. ഉരുളി തുറന്നു നോക്കി ഞങ്ങൾ. ഈച്ച ഇനിയും ചത്തിട്ടില്ല! വെളിച്ചം വീണപ്പോൾ പകച്ച് അത് ക്ഷീണത്തോടെ പിന്നെയും രക്ഷപ്പെടാനുള്ള ശ്രമം തുടങ്ങിയ മട്ടാണ്. "അമ്മാ, ഇത് animal cruelty ആണ്. നമുക്കതിനെ വീടിന് പുറത്തേക്ക് കൊണ്ട് കളയാം" "എങ്ങനെ അത് പറന്നു പോകാതെ പുറത്തു വിടുമെന്നായി ഞാൻ. 

മകൾ ideas -ന്റെ ഉസ്താദ് ആണ്. ഈച്ച ഗ്ലാസ്സിനകത്ത് തന്നെയെന്ന് ഉറപ്പു വരുത്തി, അവൾ ഒരു കട്ടിയുള്ള പ്ലാസ്റ്റിക് ഷീറ്റ് ഗ്ലാസ്സിനടിയിലൂടെ പതുക്കെ നിരത്തി നീക്കി. എന്നിട്ട് ഒരു tape വെച്ച് ഗ്ളാസ്സും പ്ലാസ്റ്റിക് ഷീറ്റും ഒട്ടിച്ചു വെച്ചു. പിന്നെ ഗ്ലാസ്സെടുത്ത് അവൾ പുറത്തേക്ക് പോയി. വീടിന് പുറത്തെത്തിയപ്പോൾ അവൾ tape മാറ്റി ഈച്ചയെ സ്വാതന്ത്രയാക്കി. ഈച്ചയ്ക്ക് പക്ഷേ പറന്നു പോകാനുള്ള ആവതുണ്ടായിരുന്നില്ല. അത് കണ്ട് അവളുടെ ഉള്ളുരുകി. ചെറിയ ഇലകൾ മുറിച്ചിട്ട് അവളതിനെ ഊട്ടി. ഈച്ച എന്നിട്ടും  അനങ്ങിയില്ല. "അമ്മാ, അത് ചത്തുപോകും എന്ന് തോന്നുന്നു" അതിന് കുറച്ച് വെള്ളമോ ജ്യൂസോ കൊടുക്കാം എന്നായി ഞാൻ. രണ്ട് മൂന്നു ദിവസമായി ഒന്നും കഴിക്കാഞ്ഞതല്ലേ? മകൾ കുറച്ച് ആപ്പിൾ ജ്യൂസുമായി പുറത്തേക്ക് പോയി. അതിനു ചുറ്റും കുറച്ച് ആപ്പിൾ ജ്യൂസ് തൂകി അവൾ. ഈച്ച കുടിക്കാൻ പോലുമാകാതെ മലർന്ന് കിടന്നു. മകൾ ഈച്ചക്ക് കാവലായി കൂട്ടിരുന്നു.



കൈയിലെ ചോക്ക് കൊണ്ട് അവൾ കോൺക്രീറ്റിൽ ഈച്ചയെ വരച്ചു. സോറി, ഫ്ലൈ :( പതിയെ പതിയെ ഈച്ചയ്ക്ക് അനക്കം വെച്ചു. അത് ചെറിയ ചുവട് വെച്ച് നടക്കാൻ തുടങ്ങി. അവൾ കുറച്ച് കൂടെ ആപ്പിൾ ജ്യൂസ് ഒഴിച്ചു കൊടുത്തു. അത് പതിയെ ജ്യൂസ് കുടിക്കുന്നുണ്ടായിരുന്നു. ഒരു മണിക്കൂർ കഴിഞ്ഞു കാണണം, നിറഞ്ഞ ചിരിയുമായി മകൾ അകത്തു വന്നു. "ഈച്ച പറന്നു പോയി, അമ്മാ" അവൾക്ക് സന്തോഷമായി, എനിക്കും.  വലിയ ഒരു അപരാധത്തിൽ നിന്നും മകളെന്നെ രക്ഷിച്ച പോലെ.

ഓപ്പറേഷൻ ഈച്ച കഴിഞ്ഞ് നേരം കുറച്ചായി. മകളിപ്പൊഴും സോഫയിൽ ഫോൺ നോക്കിയിരിപ്പാണ്. "കുഞ്ഞേ, നിനക്ക് ഹോംവർക് ഒന്നുമില്ലേ ?" "അമ്മേ, I am an American hero! Still tired after a major rescue operation"

!!!


വെള്ളിയാഴ്‌ച, നവംബർ 09, 2012

The Orangutan family

ചിന്നു: "Devu, we are two little orangutans!"
ദേവു:"yes, we are.. yes, we are.. two little orangutans! And amma is the big orangutan!"
ചിന്നു:"No, she is human! We are THE orangutans"
ദേവു:"No, she is not! Look at her.. She is just like us! She's an Orangutan!"

:)

McDonalds

"amma... I have a song for you!"
"ഉവ്വോ? :) പാടൂ, അമ്മ കേള്‍ക്കട്ടെ"
"If you drive straight to McDonalds, I 'll sing. Then only I will sing!"
"ആഹാ! ഭീഷണിയാണല്ലേ? എന്നാലെന്റെ മോളിപ്പോള്‍ പാടണ്ട!"

വ്യാഴാഴ്‌ച, ഒക്‌ടോബർ 11, 2012

മുത്തച്ഛന്റെ കുട്ടി

മുത്തച്ഛനും അമ്മൂമ്മയും വന്നിട്ട് കുറച്ചു നാളുകളായി. ദേവു രണ്ടു പേരുമായും നല്ല കൂട്ടുമാണ്‌. മുത്തച്ഛന്റെ പുറത്തെ ചാക്കോ കഴുത്തില്‍ തൂങ്ങുന്ന ഭാണ്ഠമോ ആണ്‌ ദേവു അധിക സമയവും.

എന്നാലും ഇടയ്ക്ക് ദേവു മുത്തച്ഛനുമായി പിണങ്ങും. അപ്പോള്‍ ഒരൊറ്റ കരച്ചിലാണ്‌.
" I want my amma...എനിക്കെന്റെ അമ്മയെ വേണം!"
മുത്തച്ഛനെന്താ humor sense എന്നോ?:) മുത്തച്ഛനും കരയും. "എനിക്കെന്റെ കുട്ടിയെ വേണം. I want my daughter!!"
കരഞ്ഞു കൊണ്ടിരുന്ന ദേവു അതു കേള്‍ക്കേണ്ട താമസം പൊട്ടിച്ചിരിക്കും. മുത്തച്ഛനും കൊച്ചുമോളും പിന്നെയും കൂട്ടാവും.

office-ല്‍ നിന്നും ഞാന്‍ വന്നു കേറിയതേയുള്ളൂ. ദേവു വിളിച്ചു പറയുന്നു.
"മുത്തച്ഛാ, നിന്റെ കുട്ടി വന്നു!"
"നിന്റെയോ? മുത്തച്ഛനോടങ്ങനെയാ പറയുക??" ദേഷ്യത്തോടെയുള്ള എന്റെ ചോദ്യം ആരു കേള്‍ക്കാന്? മുത്തച്ഛനും മോളും കൂടെ അവിടെ ചിരിയോ ചിരി! :)

ചൊവ്വാഴ്ച, ഒക്‌ടോബർ 09, 2012

Knock knock!

ദേവു: "knock..knock"
അമ്മ: "Who's there?"
ദേവു: "chinnu and devu"
അമ്മ: "chinnu devu who??"
ദേവു (അമ്മയുടെ വയറില്‍ തട്ടിയിട്ട്):"hello?? chinnu devu.. from your tummy.. don't you remember?? How can you forget???!!"

അമ്മയ്ക്ക് ചിരി പൊട്ടിപ്പോയി! :)

 

തിങ്കളാഴ്‌ച, ഒക്‌ടോബർ 08, 2012

100 years from now...

ചിന്നൂന്റെ പഴയ school work തരം തിരിച്ചു വെയ്ക്കവേ ആണ് കഴിഞ്ഞ കൊല്ലം അവന്‍ എഴുതിയ ഈ  journal entry വീണ്ടും എന്റെ കണ്ണില്പെട്ടത്.

100 years from now...

It will be 2111. I will turn 108. I will be the wisest man in Olathe, KS. I might still look like I am 52. I might be able to run 11 mph. My hair will be black and gray when I am 108 years old. I would be at my best whenever I play with my grand children.

:) :)

ഉയരം

ചിന്നു: "അമ്മാ, why are men taller than women? "
അമ്മ: "അതങ്ങനെയാണ്‌, ചിന്നു..Men are supposed to be taller than women."
ചിന്നു:"This is like when I ask what is 2+2, you are answering 2+2 is supposed be 2+2!"
ദേവു: "ഞാന്‍ പറയാം why men are taller than women എന്ന്‌. Boys are coming out of amma's tummy first. Girls come out only when boys wish for them. So they are not getting enough years to grow as tall as men. That's why!"

ദേവു നോക്കിയപ്പോള്‍, ചിന്നു ദേവൂനേലും മൂത്തതാ. അച്ഛന് അമ്മയേക്കാള്‍ മൂത്തതാ, പിന്നെ മുത്തച്ഛന്‍ അമ്മൂമ്മയേക്കാളും. :)

ഞായറാഴ്‌ച, ജൂലൈ 08, 2012

സങ്കടം

"Sometimes I like Dora hair... Sometimes I like long hair!
Sometimes I want new home... Sometimes I like OUR home!
I don't know what I want, amma!"

നാലര വയസ്സിലെ ഓരോ സങ്കടങ്ങളേ!

ശനിയാഴ്‌ച, ജൂൺ 30, 2012

ദു:സ്വപ്നങ്ങള്‍ പിന്നേയും

ഒരു ചെറിയ തേങ്ങലോടെയാണ്‌ ദേവു കണ്ണു തുറന്നത്.
"എന്താ മോളേ, വേണ്ടാത്ത സ്വപ്നം വല്ലതും കണ്ടോ നീയ്?"
"ഉം... scary ആയിരുന്നു :("
"ഉണ്ണിക്കണ്ണനെ വിളിച്ചിട്ടല്ലല്ലേ ഇന്നലെ കിടന്നത്?"
"ഞാന്‍ വിളിച്ചതാ...But he was busy with India people."
!!! :)